Lajme

Agjencia për Akreditim tërhiqet nga ankesa, kërkon riregjistrim në EQAR

07:26 | 21 May 2018 Autori: Infokusi

Agjencia e Kosovës për Akreditim (AKA) është tërhequr nga e drejta e ankesës në Regjistrin Evropian për Rritje të Cilësisë në Arsimin e Lartë (EQAR), pas përjashtimit që iu bë në shkurt të këtij viti.

Katër ditë më parë, Këshilli Shtetëror i Cilësisë që njihet si Bordi i AKA-së, ka bërë kërkesë për riregjistrim në EQAR, shkruan sot “Koha Ditore”.

Këtë veprim Bordi e ka ndërmarrë pasi është frikësuar se ankesa nuk do të pranohet meqë nuk ka bazë për të.

Kjo sepse vendimi për përjashtim theksonte se aplikuesi mund të paraqesë ankesë ndaj vendimeve të Komitetit të Regjistrit vetëm nëse ka pasur gabime procedurale ose në rast të shtrembërimit të vendimit nga ana e EQAR-it.

AKA-ja në vitin 2015, ishte bërë pjesë e EQAR-it, që është regjistër i agjencive evropiane të sigurimit të cilësisë, të cilat dëshmojnë se standardet dhe procedurat e tyre janë në përputhje substanciale me parimet për sigurimin e cilësisë në Evropë.

Të tjera