Lajme

Asnjë gjurmë nga 70 vjeçarit i zhdukur, dyshohet se e harroi shtëpinë

17:12 | 16 May 2018 Autori: Infokusi

Policia nga Rajoni i Prizrenit nuk ka hasur ende në asnjë gjurm, që qon tek vendndodhja e 70 vjeçarit të zhdukur nga Prizreni.

Kështu ka deklaruar për Infokusin toger Vesel Gashi nga rajoni i Prizrenit.

Gashi ka thënë se njësitet gjegjëse po e kërkojnë të moshuarin që nga dita kur u raportuar i humbur, megjithëse ende nuk dihet asgjë për fatin e të zhdukurit.

“Njësitet lidhur me këtë rast janë duke punuar në vazhdimësi, mirëpo për momentin nuk kemi diçka të re. Njësitet janë në vazhdimësi të kërkimit të tij”, ka thënë Gashi.

I moshuari, Marian Gjugja kishte dal në ditën e shtunë nga shtëpia për të shëtitë, dhe nuk u kthye më prapë që nga ajo ditë.

Sipas familjarëve, Gjurgja për të fundit kishte pasur kontakt me djalin e tij, që i kishte thënë se po dilte deri në Shatërva.

Nga familjarët po ashtu bëhet e ditur se Mariani vuante edhe nga sëmundja e harresës, dhe se nuk ishte shumë i shoqëruar e as nuk mbante telefon me vete./Infokusi.com

Të tjera