Sport

Barcelona iu rikthehet fitoreve në La Liga

22:44 | 21 October 2017

Barcelona e ka mposhtur 2:0 Malagan në “Camp Nou”.

Pas barazimit 1:1 me Atletico Madridin, Barcelona i është rikthyer fitoreve në La Liga, shkruan Gazeta Express.

Të besuarit e Ernesto Valverdes morën tri pikë me vështirësi në “Camp Nou”, duke triumfuar 2:0 me një gol tejet të diskutueshëm të Gerard Deulofeus, që e shënoi në minutën e dytë.

Golin tjetër për Barcelonën e shënoi Andres Iniesta pas asistimit nga Leo Messi në minutën e 56’të, për rezultatin përfundimtar 2:0.

Pas kësaj fitore, Barça shkoi në kuotën e 25 pikëve, tetë më shumë se Real Madridi që të dielën përballet me Eibarin.