Rajoni dhe Bota

‘Çartet’ ushtria ruse, pasi Charlie Hebdo tallet me rrëzimin e aeroplanit ushtarak rus (Foto)

10:31 | 29 December 2016

Ushtria ruse i ka dënuar karikaturat e magazinës satirike “Charlie Hebdo” për rrëzimin e aeroplanit ushtarak rus.

Zëdhënësi i Ministrisë së Mbrojtjes së Rusisë, Igor Konashenkov, i ka përshkruar karikaturat si “fekale”, duke thënë se “është turpëruese për një person që madje tiu kushtojë vëmendje kësaj ndyrësie të përpunuar,” transmeton Express.

Në rrëzimin e aeroplanit ushtarak rus të dielën e kaluar humben jetën të gjithë 92 personat në bord.

Një nga karikaturat e Charlie Hebdo paraqet një këngëtar në aeroplanin duke u rrëzuar që vajton “aaaa” me përshkrimin: “Reportori i Korit të Ushtrisë së Kuqe është duke u zgjeruar”.

Ndërsa një tjetër thotë : “A lajm i keq… Putin nuk është brenda në aeroplan”.