Lajme

Dardan Sejdiu flet si shef, tregon veprimet e grupit të tij

19:18 | 14 March 2018 | Autori: Infokusi

Dardan Sejdiu  për herë të parë, ka folur si shef i një grupi parlamentar, ish deputet i Lëvizjes Vetëvendosje.

Sejdiu si shef i Grupit të Deputetëve të Pavarur, ka thënë pas mbledhjes së kryesisë  se tani edhe formalisht do të jenë grup i ri parlamentar, i cili do të flas për politika që lidhen me ekonomi dhe mirëqenie të qytetarëve. Sepse sipas tij, ajo që kanë parë në Kuvend deri tash, është që kanë trajtuar tema tepër përgjithësuese e popullsitë.

“Sot kemi dorëzuar kërkesë pranë kryesisë së Kuvendit për të formuar grupin e ri parlamentar në Kuvendin e Kosovës. Një grup prej 12 deputetëve të pavarur të organizuar në grup parlamentar dhe synimi ynë është që në Kuvend si grup të flasim për tema e të shtyjmë përpara agjendë që merret me mirëqenien e qytetarëve, me zhvillimin ekonomik, në fakt të merret me temat e përditshme të qytetarëve. Janë 12 deputetë që janë pjesë e grupit parlamentar të pavarur dhe prej sot në mbledhjen e kryesisë kemi formalizuar edhe aspektin procedural dhe teknik dhe që nga nesër ky grup do të jetë i organizuar nën ombrellën e grupit të deputetëve të pavarur”, theksoi Sejdiu.

I pyetur për dorëheqjen e nënkryetares Aida Dërguti, Sejdiu tha se seanca është ajo që vendos për këtë.

Grupi i Deputetëve të Pavarur, nga nesër do të veprojë edhe zyrtarisht i ndarë nga grupi parlamentar i Lëvizjes Vetëvendosje.

Të tjera