Rajoni dhe Bota

Diktatori Kim Jong i ka ekzekutuar 300 persona prej ardhjes në pushtet

10:05 | 29 December 2016

Diktatori i Koresë Veriore, Kim Jong-un, ka urdhëruar ekzekutimin e më shumë se 300 njerëzve prej ardhjes në pushtet para pesë viteve.

Kim i ka përdorur ekzekutimet për ta forcuar pushtetin e vet, sipas grupit të ekspertëve të Strategjisë Kombëtare të Sigurisë (INSS) të Koresë së Jugut, transmeton Express.

Rreth 140 nga 340 të vrarët që nga viti 2011 ishin zyrtarë të lartë të qeverisë.

Analisti i mbrojtjes nga Korporata RAND, Bruce Bennett, ka thënë për CNN se Kim ka demonstruar një nivel ekstrem të brutalitetit qëkur trashëgoi vendin e babait të vet si lider i Koresë Veriore.

“Për shembull, në pesë vitet që ai ka shërbyer si lider i Koresë Veriore, e ka ndërruar ministrin e Mbrojtjes plot pesë herë, ndërsa babai i tij në 17 vite e kishte ndërruar vetëm tri herë. Në dy raste sepse ministrat kishin vdekur për shkak të moshës së shtyrë,” ka thënë ai.