Lajme

“Edhe serbët mund të akuzohen nga Gjykata Speciale”

23:11 | 23 November 2017

Edhe serbët mund të jenë të akuzuar nga Gjykata Speciale.

Presidentja e kësaj gjykate, Ekaterina Trendafilova, në një intervistë për emisionin “Rubikon” të KTV-së, ka thënë se, sipas ligjit, të akuzuarit mund të jenë pjesëtarë të etnive të ndryshme.

Trendafilova ka theksuar se kushdo që ka kryer krime në një periudhë të caktuar është përgjegjës.

“Ligji thotë se kushdo që ka kryer krime, pavarësisht etnisë e shtetësisë, ndaj shtetasve të Kosovës, do të gjykohet… Nëse dikush ka kryer krime gjatë luftës është nën juridiksionin tonë. Ligji nuk e parandalon këtë”, ka theksuar trendafilova.

Por, ajo ka shtuar se ende nuk e din nëse ka të tillë që do të akuzohen.

Sipas saj, gjykata mund të pranojë çdo minutë aktakuza apo kërkesa për urdhër-arrest nga Prokuroria Speciale. (r.m.)