Lajme

Edhe Universiteti pushon për Shën Valentin

10:10 | 14 February 2018 Autori: Infokusi

Pas përgjigjes së thirrjes së SBASHK-ut për grevë njëorëshe nga arsimi parauniversitar në Kosovë, kësaj thirrje do t’i përgjigjet edhe arsimi universitar.

Kryetari i SBASHK-ut, Rrahman Jashari ka thënë se pas përfundimit të grevës njëorëshe të ndërrimit të parë në arsimin parauniversitar, tani nga ora 10:00 në grevë njëorëshe do të hyjnë edhe universitet në Kosovë, shkruan Infokusi.com

“Kryetari i Universitetit që është pjesë e SBASHK-ut sapo me ka njoftuar se edhe në arsimin universitar janë bërë të gjitha përgatitjet, dhe ata fillojnë grevën në orën 10:00. Kjo grevë do të jetë një grevë njëorëshe, sikurse nëpër shkollat fillore dhe të mesme”, ka thënë Jashari.

Jashari, grevën e sotme e ka vlerësuar si shumë të suksesshme, ngase sipas tij ka pasur një përgjigje unanime nga të gjithë mësimdhënësit.

“Nga raportet e para flitet se institucionet e arsimit parauniversitar në mënyrë unanime u janë përgjigjur grevës njëorëshe ne Kosovë. Ende nuk kemi ndonjë informacion që ndonjë shkollë mund të mos jetë përgjigjur thirrjes së SBASHK-ut, siç tregojnë nga këshille drejtuese grevës i janë përgjigjur 100 % të mësimdhënësve. Kjo grevë deri më tani vlerësohet si shumë e suksesshme”, ka thënë Jashari./Infokusi.com

Të tjera