Auto&Tech

Ekrani i iPhone X nuk funksionon në mot të ftohtë!

10:35 | 11 November 2017

Nëse jeni një fans i Apple dhe planifikoni të blini iPhone X, duhet të dini se kur temperaturat ulen disa gradë, ekrani i celularit do të ngrijë.

Disa përdorues janë shprehur se menjëherë pasi dalin nga shtëpia, ekrani i celularit dhe aplikacionet nuk përgjigjen më. Në vendet ku dimri tashmë ka ardhur, duket se ky është një problem i madh.

Në Apple’s Support Website thuhet se përdorimi i një aparati iOS në temperature të ftohta mund të shkurtojë baterinë e telefonit dhe fikjen e tij, por ngrirja e ekranit duket se është një shqetësim i ri.

“Jemi të vetëdijshëm që ekrani i iPhone X bëhet përkohësisht i papërdorshëm nga ndryshimi i temperaturave,” tha Apple për The Loop.

“Pas disa sekondash ekrani do iu përgjigjet sërish. Ky problem do të rregullohet në update-in e rradhës”.

Apple sapo ka lançuar update-in e fundit, ndaj për këtë problem përdorueve mund t’u duhet të presin disa javë.