Lajme

Gjarpri gjigant i hyn në oborr qytetarit në Gjilan

19:48 | 25 April 2018 Autori: Infokusi

Një rast i frikshëm i ka ndodhur një qytetari nga Gjilani, më saktësisht nga fshatin Livoç i ulët, ku një gjarpër i është futur në oborrin e tij.

Banori i Livoçit të ulët i ka dërguar disa fotografi në redaksinë e gazetës, ku shihet gjarpri gjigant që i është futur në oborr.

Ai ka treguar se gjarpri që i është futur në oborrin e tij ka qenë i gjatë 1 metër e 70 centimetra.

Kujtojmë se gjatë ditës së djeshme disa qytetarë të Prishtinës, kanë dërguar një video ku shiheshin disa gjarpërinj në Parkun e Gërmisë.

Ndryshe, Kosova s’ka serum kundër kafshimit nga gjarpri.

Për kafshim nga gjarpërinjtë pacientët duhet të mjekohen me serum specifik, por ky barë tash e sa kohë është mungesë në Klinikën Infektive në Prishtinë.

Drejtori i Klinikës Infektive, Hamdi Ramadani nuk është i kënaqur me furnizimin e serumit specifik që përdoret kundër kafshimit të gjarprit.

“Nuk jemi të kënaqur sa i përket furnizimit me atë që quajmë serumin specifik kundër kafshimit të gjarpri. Vazhdimisht po ballafaqohemi me këtë problem, ose po kemi një ose dy ampula, për një ose dy të sëmurë. Në disa raste ka ndodh edhe vetëm me një ampulë”, tha ai.

Ai tregon se gjatë ditës së djeshme në klinikë nuk ka pasur asnjë dozë të serumit, ose të ampulës që është e domosdoshme kundër kafshimit të gjarprit. “Kështu që në këtë drejtim me serum dhe furnizimin fare nuk jemi të kënaqur dhe jemi në një situatë jashtëzakonisht të vështirësuar”, tha Ramadani.

Të tjera