Lajme

GSJP: Arsimi i lartë me shumë mangësi ligjore

06:49 | 20 March 2018 | Autori: Infokusi

Mungesa e kritereve për emërimin e anëtarëve të Këshillit Shtetëror të Cilësisë, mungesa e përcaktimit të mundësive të shkarkimit të tyre nga MASHT-i, mossaktësimi i kritereve cilësore me rastin e angazhimit të stafit akademik si bartës të programeve studimore në një institucion, janë disa nga mangësitë ligjore në arsimin e lartë të evidentuara në draft-analizën ”Mangësitë ligjore në legjislacionin e Kosovës në çështjet e arsimit të lartë”.

Kjo draft-analizë është publikuar, të hënën, nga Grupi për Studime Juridike dhe Politike (GSJP), shkruan sot Koha Ditore.

Sipas këtij dokumenti, legjislacioni i arsimit të lartë ka edhe mangësi rreth rregullimit juridik të procesit të avancimit të stafit akademik brenda institucioneve të arsimit të lartë.

Autorja e analizës, Rreze Hoxha, ka thënë se ky dokument trajton në mënyrë specifike aspektet ligjore në arsimin e lartë, kualitetin e institucioneve private të arsimit të lartë dhe rolin e agjencisë në sigurimin e cilësisë nga këto institucione.

Draftin e kësaj analize, sipas saj, kanë vendosur ta publikojnë tani për shkak të zhvillimeve të fundit në arsimin e lartë dhe ndryshimit të amendamentimit të ligjit për arsimin e lartë. Versioni final i saj do të publikohet në muajin shtator.

Etiketa:

Të tjera