Lajme

Haradinaj dorëzohet para mësimdhënësve

11:25 | 14 February 2018

Kryeministri Haradinaj siç duket e ka ndier kërcënimin e grevës së sotme të mësimdhënësve në Kosovë, duke u deklaruar lidhur me këtë çështje.

“Duke marrë parasysh sakrificën e të gjitha segmenteve të shoqërisë sonë, Qeveria e Kosovës ishte dhe mbetet e përkushtuar që t’i trajtojë me prioritet kërkesat dhe nevojat e të gjitha kategorive të lirisë. Tashmë një pjesë e këtyre kategorive kanë mbështetjen e plotë ligjore”, ka thënë Haradinaj.

Haradinaj ka thënë se e njeh kontributin e mësimdhënësve të e viteve të ’90-ta, dhe se sipas tij ata ishin ishin shtylla e papërkulur e rezistencës.

“Në këtë frymë të përkushtimit, njohja e sakrificës së mësimdhënësve të viteve të ’90-ta ka po ashtu një rëndësi të veçantë. Mësimdhënësit e viteve të ’90-ta ishin shtylla e papërkulur e rezistencës sonë”, ka thënë Haradinaj

Veç tjerash ai ka thënë se në ditën në vijim ai do të inicion një takim me përfaqësuesit e SBASHK-ut, dhe se bashkërisht me ta do të punojmë në trajtimin e kërkesave me qëllim të realizimit të tyre.

“Gjatë ditëve në vijim do t’i takojë përfaqësuesit e SBASHK-ut dhe bashkërisht me ta do të punojnë në trajtimin e kërkesave me qëllim të realizimit të tyre”, ka thënë Haradinaj.