Lajme

“Hashim Thaçi mund ta humb mandatin, nëse e refuzon Vetëvendosjen!”

15:40 | 19 June 2017

Presidenti Hashim Thaçi, duhet t`ia jap të drejtën për formim të Qeverisë Vetëvendosjes, në të kundërtën do t`i kushtojë me humbje të mandatit.

Kështu ka theksuar Analisti politik Donik Sallova në një deklaratë të dhënë për Gazeta Blic.

Vazhdoni leximin nën reklamë ...

Loading...

Ai ka thënë që nëse koalicioni PAN dështon ta formojë qeverinë, të drejtën do ta ketë shumica parlamentare e dëshmuar.

Sallova për Gazeta Blic,  ka treguar se si duhet vepruar presidenti në këtë rast.

“Çështja e formimit të qeverisë është e qartë edhe sipas kushtetutës edhe sipas aktvendimit të Gjykatës Kushtetuese, por edhe sipas logjikës, dhe praktikës demokratike të sistemeve parlamentare. Presidenti sipas parimit dhe procedurës kushtetuese si fillim do t`i kërkoj PAN-It për formim të qeverisë. Nëse PAN-i dështon, presidenti do të jetë në kërkim të një “shumice parlamentare të dëshmuar” për t`ia dhënë mandatin për formimin e qeverisë”.

Më tej Sallova sqaron në mënyrë më të hollësishme së çfarë do të thotë kjo.

“I ashtuquajturi “diskrecion” i presidentit nënkupton vlerësimin e tij faktik mbi ekzistencën ose jo të një shumice parlamentare, për t`ia dhënë mandatin dhe kjo nënkupton domosdoshmëritë përfshirjen e PAN-itë në këtë shumice, koalicionet pas zgjedhore për formimin e Qeverisë janë koalicione të lira politike synimi i të cilave është krijimi i shumicave”.

E nëse presidenti Thaçi nuk do t`ia jap mandatin shumicës për ta krijuar qeverinë, atëherë presidenti do të përballet me pasoja të rënda.

“Presidenti Thaçi nëse nuk ia jep eventualisht mandatin herën e dytë formacionit parlamentar që ka siguruar shumicën (60+1), duke supozuar që kjo shumicë nuk do të përfshije PAN-in, atëherë presidenti ka shkelur kushtetutën dhe frymën e saj të demokracisë parlamentare dhe për pasoj duhet paditur dhe shkarkuar për shkelje të rënde kushtetuese” përfundoi Sallova.

Kujtojmë që bazuar në rezultatet preliminare të Komisionit zgjedhor të Kosovës, koalicioni PAN ishte I pari, Vetëvendosja radhitet e dyta dhe Koalicioni LDK-AKR-Alternativa e treta.

Loading...
Etiketa: