Opinione

Hipokrizia e Marjanit në UP

16:13 | 03 April 2018

Shkruan: Alma Kalimashi

Institucioni që të regjistruar për këtë vit ka 41,942 studentë e që pothuajse çdo vit nxjerrë nga 6,450 të diplomuar ka vendosur të punësoj zyrtarë pa diploma. Këta të fundit do tu shërbenin të diplomuarve.

Rektori i Universitetit të Prishtinës, Marjan Dema, deshi të punësojë 13 zyrtarë në administratën e Universitetit pa diploma dhe përvojë pune.

Ai më 6 shkurt të këtij viti shpalli konkurs për 13 pozita të lira në këtë institucion.

Kriteret e punësimit sikur i ishin përshtatur atyre që Dema u kishte premtuar vend pune në UP.

Aty kërkohej që aplikuesit të kishin diplomën e shkollës së mesme si dhe të mos kishin përvojë pune.

Konkursi nuk arriti të realizohej siç kishte planifikuar Dema, pasi ai u anulua rreth dy javë pas shpalljes (21 shkurt), pas vërejtjeve të Këshillit Drejtues të UP- së drejtë Marjan Demës për kriteret shumë të ulëta që përmbante konkursi.

Të paktën dikush në UP i thirri mendjes dhe e ngriti zërin, përndryshe tani ata që tentojnë të kryejnë fakultetin dhe të marrin diplomën do të kërkonin shërbime nga persona që nuk e kanë një të tillë.

Fakulteti është vendi ku të paktën personat që punojnë aty duhet të kenë diplomë të fakultetit ndërsa në universitetin publik më të madhin në Kosovë për pak sa nuk u punësuan njerëz pa arritje bazike akademike e përvojë pune.

Kësaj radhe një nismë e rektorit u pengua.

Por, në shumë raste tjera punësimet pa meritë kanë kaluar pa u bërë shumë të mëdha. Ose nuk janë marrë masa për ta përmirësuar “gabimin”.

Një gjë e tillë kishte ndodhur edhe me Rozafa Koliqin.

Ajo ishte e vetmja studente e cila ka specializuar dhe doktoruar në lëndën Farmaci Klinike ndërsa në vend të saj asistent në UP është zgjedhur Naim Morina pa specializim, doktoratë dhe notë më të ulët se Rozafa.

Rastetet si ky e regjistrimi  i studentëve të Mjeksisë dhe Edukimit në këmbim të parave nga ish-prodekanja e fakultetit të mjeksisë, Hajrije Hundozi-Hysenaj, ish-rektori Mujë Rugova dhe ish-dekani i Fakultetit Filozofik, Selim Daci, ngrisin dyshimet nëse personat e paraparë të punësoheshin në 13 pozitat e shpallura nga Rektori Dema, në Universitet të Prishtinës, veç se ishin të zgjedhur para shpalljes së konkursit.

Madje kurioziteti është edhe më i madh për të mësuar nëse Marjan Dema ka ardhur në pozitën e rektorit me të njëjtat kritere që kishte vendosur për puntorët e rinjë në UP.