Lifestyle

Këto janë shkaqet dhe pasojat në të ardhmen të “sindromës” së fëmijës së vetëm

10:16 | 11 January 2017

Sindroma e fëmijës së vetëm, ka një karakter sjellor dhe jo biologjik, dhe përfshin ata fëmijë të cilët nuk kanë motra/vëllezër.

Studimet të cilat e kanë quajtur “sindrome” kanë identifikuar edhe një sërë karakteristikash për fëmijët e vetëm si: janë të llastuar, kërkojnë vazhdimisht vëmendje, egoist (vendosin gjithmonë të parat nevojat e tyre), ndjenjën e frikës në lidhje me pavarësinë, vështirësi në marrëdhënie me të tjerët, narҫistik, të ndjeshëm ndaj kritikave, vështirësi për të menaxhuar konfliktet, vështirësi në ndarjen e gjërave me të tjerët etj.

Në fakt, a ka një diferencë midis fëmijëve të vetëm dhe atyre që kanë vëllezër e motra???

Motrat/vëllezërit na japin mundësinë të kemi ndërveprim që në moshë të hershme, të ndajmë vëmendjen e prindërve, të ndajmë lodrat dhe aktivitetet e tjera, të krahasohemi, të mësojmë të përballemi me konfliktet, të mos ndjehemi vetëm. Pikërisht janë këto disa nga sfidat me të cilat përballen fëmijët e vetëm, dhe arsyet për të cilat prindërit kërkojnë mbështetjen dhe të këshillohen me një psikolog.

Fëmijët e vetëm, e ndjejnë familjare procesin terapeutik, për vëmendjen që marrin si dhe për marrëdhënien e krijuar me psikologun.

Gjithashtu ata kanë aftësi të mira për tu fokusuar tek vetja dhe reagimet e të tjerëve, dhe për të diskutuar për to.