Lajme

Kosova transit i trafikut të shqiptarëve në SHBA, Kanada e Britani

06:39 | 20 March 2018

Kosova është përdorur nga grupet kriminale të kontrabandimit të shtetasve shqiptarë me destinacion final SHBA-në, Kanadanë dhe Britaninë e Madhe.

Shqipëri-Kosovë-Belgjikë-Republika Domenikane-Kanada dhe Shqipëri-Kosovë- Bullgari-Spanjë-Panama-Kanada, janë dy nga itineraret që ndiqeshin për të mbërritur në vendet e sipërcituara, shkruan sot Koha Ditore.

Dy ditë pas arrestimit të 39 personave, të cilët ishin pjesë e katër grupeve kriminale, Policia e Shqipërisë ka zbardhur skemën e plotë se si emigronin njerëzit.

Të hënën në një njoftim për media, policia ka bërë me dije të gjithë skemën që përdornin të arrestuarit për të dërguar njerëz në Angli, SHBA dhe Kanada. Sipas kësaj skeme, të gjithë niseshin nga Shqipëria, më tej disa shkonin në Mal të Zi, Itali, Kosovë dhe Serbi, dhe më pas për të gjitha vendet.