Lajme

Kryeministrja e Britanisë së Madhe premton se do t’i mbrojë xhamitë pas sulmit të djeshëm

15:33 | 19 June 2017

Kryeministrja e Britanisë së Madhe ka premtuar resurse shtesë policore për t’i mbrojtur xhamitë para festës së Bajramit të Madh, pas incidentin në të cilin dje në mbrëmje një person e shkeli turmën e njerëzve me furgon afër një xhamie në veri të Londrës.

Duke folur jashtë Downing Street pas sulmit, të cilin policia është duke e trajtuar si terrorist, kryeministrja ka thënë se duhet të bëhet më shumë për ta luftuar ekstremizmin anti-islam, si dhe e lavdëroi komunitetit multikulturor të Londrës, transmeton Express

Më pas, May e vizitoi xhaminë në zonën Finsbury Park, e cila ndodhet qindra metra larg skenës së sulmit. Ajo është fotografuar ulur me liderët e komunitetit lokal për të diskutuar rreth kundërpërgjigjeve ndaj sulmit.

Incidentet e tilla dhe sulmet nga sulmuesit xhihadistë në Westminster dhe Urën e Londrës, i kanë sfiduar liritë thelbësore të Britanisë së Madhe në fushat si besimi dhe të shprehurit, ka thënë ajo.

“Këtë mëngjes e kemi parë një tentim të pështirë për t’i shkatërruar këto liri,” ka thënë May.

Ajo ka shtuar: “Ky tregon se terrorizmi, ekstremizmi dhe urrejtja marrin forma të ndryshme, dhe vendosmëria jonë për t’i luftuar ato duhet patjetër të jetë e njëjtë pavarësisht se kush është fajtori.”