Opinione

Ku mbeti, parlamenti i Iliridës

11:46 | 24 October 2017

Shkruan: Nexhat Bexheti

Është për të vajtuar,se si tërë potenciali politik, është duke u harxhuar me të madhe, për kërkesa  minore dhe qesharake, për këtë popullatë autoktone. Na bindë fakti se  një numër minor i shqiptarëve, të cilët dalën në zgjedhje,nëpër disa cikle zgjedhore  me numër simbolik afër 36%. Pjesa tjetër kërkon federalizim. Avanturierët,apo atyre të cilëve ua ka zënë dera bishtin,detyrohen jashtë vullnetit të tyre , që të jenë pjesmarës nëpër zgjedhjet,e organizuara nga shpikësit e formulës, e cila formulë më sukses, ua ka humbur kuptimin politikanëve, për kërkesën e themelimit të parlamentit të Iliridës.

Duhet që të kondicionohet apo të rikonfeksionohet kërkesa, sepse kjo popullatë dikur e ka dridh një perandori,kur akoma regjioni ishte i ngulfatur nga politika njëmendësie-shoviniste. Eteri politik momentalisht është i zbrazur me ide federaliste,përgjegjësinë e mbajnë partitë politike, pse nuk e bënë këtë do t’i gjykojë historia.

Dëshmitarë jemi se tek ne janë organizuar cikle zgjedhore të parakohshme,të jashtëzakonshme. Efektet e këtyre e kanë dhënë rezultatin ,sepse për popullatën shqiptare, ka luajtur rolin e opiumit, oportunistë për lirinë e vetë ,zhveshjes së ideologjisë, si dhe dezorganizimin politik të kërkesave kombëtare, duke i dërguar drejtë destruktivitetit të kërkesës së vullnetit politik të cilën e shprehën unanimisht në referendumin e mbajtur më vitin1992. Ky kapital politik nuk duhet të humbet,por tash e  tutje të aktualizohet, nëse jo nga politikanët,kushtimisht  nga zgjimi i  brezit të ri, nëse duan që të mos vuajnë si ne më të vjetrit.

Përqafimi i liderëve me pushtetin,shpesh  ka ndodhur që popullatës shqiptare t’i  thyen kockat, dhe pikërisht nga përvojat e disa të kaluara të shpeshta , të cilat  na  kanë sjellë  trauma!   Dhe ky përqafim, e ka betonuar pozitën e shqiptarëve si pakicë në shtet.   Pse akoma nuk vetëdijesohemi, valë a duhet çdo ditë në mëngjes, ta prekim zjarrin,e ta provojmë se ndoshta sot nuk na djeg, mjafton një herë ta provojmë, dhe për gjithmonë duhet ta dimë, se sa herë ta prekim zjarrin, ai do na djegë vazhdimisht.

Nëse nuk vetëdijesohen klasat politike, të shqiptarëve të Iliridës,atëherë më se e nevojshme është që popullata shqiptare të kërkojë nga intelektualët dhe veprimtarët, që të organizohen në lëvizje për jetësimin e  Iliridës.  Me format demokratike të garantuara nga rezolutat e OKB-së. Dhe Ilirida do bëhet nga vullneti i klasave politike dhe i popullatës.

Nëse kërkesat janë serioze ,këmbëngulse dhe të mos kenë elemente  me karakter destruktiv,faktori ndëkombtarë do t’i përkrahë sepse vullneti homogjen i popullit, është hyjnorë dhe para ti përkulet i tërë kori diplomatik.  Zhvillimet globale, punojnë për Iliridën.