Lajme

Labinote Murtezi Demi: Jam femra e gjashtë më e votuar në koalicionin LAA

16:21 | 19 June 2017

Ish deputetja e Kuvendit të Kosovës, në legjislaturën e kaluar Labinote Murtezi- Demi, ka reaguar përmes një shkrimi në llogarinë e saj në ‘Facebook’.

Murtezi-Demi ka thënë se po bëhet presion medial mbi kandidatët për deputetë. Kjo, sipas saj, është tentative joetike dhe profesionale për të krijuar një opinion në favor ose disfavor qoftë të një partie a të një individi.

Vazhdoni leximin nën reklamë ...

Loading...

Tutje, në shkrimin e saj, Murtezi-Demi ka bërë me dije se sipas të dhënave të siguruara nga shtabet komunale, ajo është femra e gjashtë më e votuar brenda koalicionit LAA.

Postimi i plotë i saj:

Të dashur miq

Në vazhdimësinë e presionit medial i cili po ushtrohet mbi ne si kandidatë për deputetë, nuk shohim asgjë më shumë se një tentativë joetike dhe joprofesionale për të krijuar një opinion në favor ose disfavor qoftë të një partie a të një individi. Edhepse kisha vendosur të mos flas deri në publikimin e rezultatit preliminar për kandidatët, interesimi juaj ishte ai që më shtyri të deklaroj publikisht atë që posedoj unë personalisht me bashkpunëtorët e mi.

Sipas të dhënave të siguruara nga shtabet komunale, KKZ-të në mënyrën zyrtare dhe ato të publikuara në media, unë jam femra e gjashtë më e votuar brenda koalicionit LAA. Kjo radhitje është vlerësuar në bazë të informatave të sipërpërmendura, ndërsa trendi i numërimit të votave po shkon vazhdimisht kah ngritja në pozitën e pestë.

Ju siguroj se me vëmendjen më të madhe po përcjell çdo zhvillim sa i përket numërimit të votave, ngase besimi juaj për mua është amaneti juaj, dhe si të tillë do ta ruaj e do ta respektoj.

Faleminderit për mbështetjen tuaj të treguar gjatë gjithë fushatës elektorale, për qytetarinë e treguar në ditën e votimit më 11 Qershor, dhe mbi të gjithë për dashamirësinë dhe pritjen e ngrohtë në çdo takim.

Me respekt për ju,

Labinotë Demi-Morteza.

Loading...