Lajme

Mësimdhënësit e nisin ditën më grevë

09:37 | 14 February 2018

Një marrëveshje e premtuar për SBASHK-un në kohë fushatash nga koalicioni qeveritar, e cila deri më tani nuk u zbatua nga këta të fundit, qoj në grevë të gjitha shkollat e Kosovës.

Ashtu siç është paraparë dhe paralajmëruar, greva është mbajtur në orën e parë të mësimit në ndërrimin e paradites, për të vazhduar pastaj edhe në orën e parë të ndërrimit të pasdites, shkruan Infokusi.com

Thirrjes së SBASHK-ut i janë përgjigjur të gjithë arsimtarët, dhe gjithçka ka shkruar ashtu siç është paraparë nga këshilli drejtues i SBASHK-ut.

Ilmi Reçica, drejtor i Gjimnazit Sami Frashëri në Prishtinë, ka thënë për Infokusin se thirrjes së SBASHK-ut për grevë i janë përgjigjur të gjithë mësimdhënësit e ndërrimit të parë, përkundër që sipas tij mësimdhënësit nuk e shohin si zgjidhje këtë formë.

“Mësimdhënësit i janë përgjigjur thirrjes së SBASHK-ut, nuk kanë ardhur në orën e parë. Mësimdhënësit nuk janë për të zgjidhur problemin në këtë formë, ata janë deklaruar se sikur të kishin qenë nxënësit nuk do të kishin lënë pa mbajtur orët e mësimit”, ka thënë Reciça.

Reciça ka treguar se ashtu siç janë të informuar, greva do të vazhdojë edhe në ndërrimin e pasdites, dhe do të veprohet ngjashëm sikur në ndërrimin e paradites./Infokusi.com