Lajme

Miratohet Ligji për Prishtinën

18:47 | 17 May 2018

Me 66 vota për, 1 abstenim, deputetët e Kuvendit të Kosovës kanë votuar projektligjin për Prishtinën.

Në shqyrtimin e dytë të këtij Projektligjit, u ngjall një debat për amendamentin numër dy këtij projektligji, i cili përcakton kryeqytet të Kosovës Prishtinën, ndërsa Prizrenin si kryeqytet historik të Kosovës.

Koordinatori nacional për Reforma Shtetërore në Qeverinë Haradinaj, Besnik Tahiri ka komentuar votimin pro Ligjit për kryeqytetin.

“Një projekt madhor i Qeverisë Haradinaj kaloi! Parlamenti i Kosovës, pas 10 viteve e votoi Ligjin për Kryeqytetin.

Me këtë, Prishtina e fitoi statusin dhe identitetin e plotë, ndërkaq Kosova në shtetësinë e saj tani ka kryeqendër me plotë kuptimin e fjalës”, ka shkruar Tahiri.