Lajme

Molliqaj komenton vendosjen e flamurit shtetëror të ‘Rrethi’

23:13 | 13 February 2018 Autori: Infokusi

Deputeti Dardan Molliqaj ka komentuar heqjen e flamurit kombëtar te ‘Rrethi’ dhe vendosjen e atij shtetëror. Një veprim të tillë ai e quan afrim me Serbinë dhe largim nga vlerat kombëtare.

“Çdo përpjekje për distancim nga Shqipëria dhe vlerat tona kombëtare në kohën kur Serbia po na lufton në të gjitha aspektet, na ofron me këtë të fundit. Shtetndërtimi i Kosovës arrihet vetëm duke u larguar nga Serbia e duke u ofruar me Shqipërinë’, shkruan Molliqaj në Facebook.

“Republika e Kosovës nuk forcohet duke përdhosur flamurin tonë kombëtar’, shtoi ai.

Edhe një herë tha se kryeministri Ramush Haradinaj po udhëheq një qeveri të territ.

“Përderisa asnjë qeveri e pasluftës nuk e ndërmori asnjëherë asnjë hap të vetëm për t’i larguar flamujt e shtetit që na lufton, pra Serbisë, qeveria aktuale e hoqi flamurin kombëtar në orë të vona. Jo rastësisht e zgjodhën terrin. Kjo qeveri është qeveri e territ”, theksoi Molliqaj.

Në orët e mbrëmjes flamuri shtetëror u vendos te ‘Rreth’ në Prishtinë me urdhër të kryeministrit Ramush Haradinaj.

 

Të tjera