Lajme

Nika tregon se kush mund t’i zgjedh problemet në Drenas

22:55 | 17 October 2017

Kandidati i LDK-së për kryetar të Drenasit, Bedri Nika ka thënë se kjo parti i duhet Drenasit duke pas parasysh se siç shton kanë përvojë në qeverisje lokale dhe qendrore.

“Ne kemi rendit disa prioritet për Drenasin, zhvillim ekonomik, arsim cilësor, shëndetësi etj”, ka thënë ai, njofton Klan Kosova.

“Nuk japim premtime të mëdha por kemi ofertë serioze për zgjidhjen e problemeve të qytetarëve”.

“Kemi probleme në arsim, kemi shkollën “Raism Kiqina” që është e stërngarkuar, ku janë më shumë 42 nxënës. Në shëndetësi mungojnë pajisjet dhe barërat esenciale dhe këto probleme mund t’i eliminojë LDK dhe unë si kryetar”, ka thënë Nika.

Ai ka thënë se LDK mund t’i zgjidh problemet e kësaj komune dhe jo partitë si PDK dhe Nisma.

“Ata që i ndëshkon PDK shkojnë te Nisma dhe e kundërta, pra këta janë i njëjti brumë”, ka pohuar ai.

“Besojmë se në bashkë me qytetarët në mandatin katër vjeçar t’i zgjedhim problemet”.

“Arsimi ka nevojë për një riorganizim dhe nuk mund të themi që kryetari aktual nuk ka bërë diçka. Ka bërë një proces të riorganizimit të arsimit. Këtu shihet se as Nisma dhe PDK nuk mund t’i dhënë orientim të drejt arsimit”, ka pohuar ai ndër të tjera.