Lajme

Demarkacioni në “bllokadë”, as nga Qeveria s’kanë ide se kur pritet riprocedimi në Kuvend!

16:48 | 21 April 2017
Demarkacioni-WO-1024x683

Marrëveshja për Demarkacionin me Malin e Zi, e cila po shihet edhe si nyja e zgjidhjes së krizës politike në Kosovë, ende nuk dihet se kur do të dërgohet për ratifikim në Kuvend.

As zyrtarët më të lartë qeveritar nuk kanë ide se kur kjo çështje do të riprocedohet për ratifikim në Kuvend.

Error, group does not exist! Check your syntax! (ID: 34)

I kontaktuar nga Gazeta Blic zëvendëskryeministri i parë i Kosovës, Hajredin Kuçi tha se nuk ka ndonjë përgjigje në lidhje me këtë çështje.

Për këtë çështja ai tha se duhet të pyetet zëvendëskryeministri nga radhët e LDK-së, Ramiz Kelmendi.

Mirëpo, as ky i fundit nuk ka ide se çka do të ndodhë me këtë marrëveshje.

“Nuk kam ide se kur do të ri procedohet, çështja e demarkacionit”, ka thënë shkurt Ramiz Kelmendi në një deklaratë të dhënë për Gazetën Blic.

Ngjashëm, është shprehur edhe Këshilltari i  kryeministrit Isa Mustafa, Bajram Gecaj, i cili i ka thënë Gazetës Blic se nuk ka as edhe një informacion se kur do të ri procedohet demarkacioni.

“Jo nuk kam, nuk di se kur do të ri procedohet demarkacioni”, tha ai.

Kreu i Qeverisë, Isa Mustafa ditë më parë ka thënë se demarkacioni do të vijë në Kuvend brenda muajit prill, por një gjë e tillë nuk pritet të ndodhë. Kjo për shkak të mungesës së votave nga vetë deputetët e koalicionit PDK-LDK, duke përfshirë edhe ata të Listës Serbe.

Në anën tjetër, kreu i PDK-së, Kadri Veseli ka theksuar se nëse nuk kalon demarkacioni, më nuk ka logjikë që të vazhdohet kjo qeveri, duke paralajmëruar zgjedhje të parakohshme parlamentare.

Ndërkaq, opozita kanë para lajmëruar ngritjen e një mocioni të votëbesimit, mirëpo që deri më tani nuk kanë arritur që t’i mbledhin nënshkrimet e 40 deputetëve, si kusht për inicimin e mocionit ndaj qeverisë Mustafa.

Error, group does not exist! Check your syntax! (ID: 27)