Lajme

Deri tani tetë viktima nga moti i ftohtë në Shqipëri

17:28 | 11 January 2017
ftohti-viktima-780x439

Ka shkuar në tetë numri i personave të vdekur për shkak të motit të ftohtë që ka prekur Shqipërinë ditën e fundit.

Mes viktimave është dhe një fëmijë 12 vjeçar, i cili u mbyt në liqenin e Kasharit që kishte ngrirë pjesërisht. Djali së bashku me motrën e tij po loznin në akull kur është çarë duke i shkaktuar mbytjen e fëmijës.

Vazhdoni leximin nën reklamë ...

Loading...

Motra e tij 15 vjeçe arriti të shpëtonte pasi u ndihmua nga disa efektivë policie që ndodheshin rastësisht aty.

Edhe në Fier një bari humbi jetën pasi u mbyt, kur akulli që kishte mbuluar sipërfaqen e ujit është çarë, shkruan Ora News.

Ndërkohë në qytetin e Pogradecit është gjetur i pajetë në banesën e tij 40 vjeçari Renato Shuka, i njohur edhe si Anastas Shuka, me emrin e pagëzimit.

Burime nga policia e Pogradecit bëjnë me dije se viktima, nuk kishte ndezuar ngrohje në banesë, dhe dyshohet se ka gjetur vdekjen nga hipotermia si pasojë e temperaturave të ulëta.

Error, group does not exist! Check your syntax! (ID: 27)
Loading...