Siguri

“Erdogani po synon t’i shtrijë interesat e veta në Kosovë përmes xhamive”

11:21 | 23 July 2016
erdogan-angry-1

Turqia ka qenë armik i Kosovës në kohën e pushtimit dhe konsiderohet që po vazhdon përpjekjet e saj për të shtrirë interesat e vetë në Kosovë. Kështu ka thënë eksperti i sigurisë, Fadil Kajtazi në një debat në Rubikon të KTV-së ku u diskutua për puçin ushtarak në Turqi dhe zhvillimet pas tij.

Ai ka thënë se Kosova ka nevojë më shumë për zhvillim ekonomik e arsimor dhe më pak për ndërtim të xhamive, transmeton Koha.net.

Vazhdoni leximin nën reklamë ...

Loading...

“Vetë Erdogani po synon t’i shtrijë interesat e veta në Kosovë përmes ndërtimit të xhamive, e Kosova ka nevojë për zhvillim ekonomik e arsim. Dështimj i puçit është fakti se ushtria nuk e organizoi atë. Ushtria turke është gardian i Kushtetutës turke. Erdogani ka dashtë ta heq ushtrinë nga loja dhe pas kësaj populli turk e sheh ushtrinë si armik”, ka thënë ai.

Por, kundër tij del deputeti, Gëzim Kelmendi i cili tha se këta që flasin kundër Erdoganit, edhe shtatë jetë t’i kenë, nuk mund të arrijnë atë çfarë ka bërë ai.

Ai ka thënë se Turqia nuk ka qenë asnjëherë kundër Kosovës, përkundrazi siç tha ai Turqia në krye me Erdoganin dhe SHBA-të janë aleati kryesor i Kosovës.

“Nuk konsideroj që Turqia ka qenë kundër Kosovës, përkundrazi Turqia në krye me Erdoganin bashkë me SHBA-të janë aleati kryesor i Kosovës. Këta që flasin kundër Erdoganit, edhe shtatë jeta t’i kenë, s’mund të bëjnë sa ka bërë Erdogani”, ka thënë Kelmendi.

Error, group does not exist! Check your syntax! (ID: 27)
Loading...