Ekonomi

FMN: Shqipëria dhe Kosova, me rritjen më të madhe ekonomike në rajon

09:13 | 19 April 2017
rritje-ekonomike-587x396

FMN-ja deklaroi se prodhimi kombëtar i Shqipërisë do të rritet këtë vit me 3.7 për qind ndërsa ekonomia kosovare pritet të rritet me 3.5 për qind

Fondi Monetar Ndërkombëtar ka konfirmuar parashikimin se ekonomia shqiptare do të ketë rritjen më të lartë në rajon gjatë këtij viti. Menjëherë pas Shqipërisë, vjen Kosova. Në raportin e sapopublikuar mbi perspektivën e ekonomisë globale, FMN-ja deklaroi se prodhimi kombëtar i Shqipërisë do të rritet këtë vit me 3.7 për qind, nga 3.5 për qind sa u rrit vitin e kaluar, njofton top-channel.tv

Vazhdoni leximin nën reklamë ...

Loading...

Sipas FMN-së, kjo është ecuria më e mirë në Ballkanin Perëndimor dhe do të ndiqet nga një tjetër shtet shqiptar, Republika e Kosovës. Ekonomia kosovare pritet të rritet me 3.5 për qind, ndërsa në Malin e Zi dhe Maqedoni, prodhimi kombëtar do të zgjerohet respektivisht me 3.3 dhe 3.2 për qind, transmeton Tch.

Por veç pritshmërive më optimiste për ekonomitë e ngjashme të rajonit, lajmi tjetër i mirë për Shqipërinë është dalja nga kriza shumëvjeçare e Greqisë, një shtet me ndikim të madh ekonomik në Shqipëri.

Sipas FMN-së, pas shumë vitesh rënieje dhe ngecjeje ekonomike, ekonomia greke do të rritet me 2.2 për qind këtë vit, ndërkohë që Italia, një tjetër ekonomi me ndikim përcaktues për Shqipërinë, do të rritet me 0.8 për qind.

Error, group does not exist! Check your syntax! (ID: 27)
Loading...
Etiketa: