Siguri

‘Hallakamë’ në Federatën e volejbollit, 6 anëtarë të Bordit kanë ngrirë postet, njëri prej tyre jep dorëheqje pas shkeljeve të shumta

12:07 | 27 October 2016
12032150_842589475861469_6075490631908215734_n

Problemet në Federatën e volejbollit të Kosovës nuk kanë të ndalur, shkruan Infokusi.com.

Ndeshja ndërmjet Lubotenit dhe Drenicës, ka qenë vendimtare që 6 anëtarë të Bordit të ngrinë pozitat e tyre dhe të kërkojnë Kuvend të Jashtëzakonshëm, madje njëri prej tyre ka dhënë edhe dorëheqje.

Error, group does not exist! Check your syntax! (ID: 34)

Bëhet fjalë për Agron Istogun, i cili ekskluzivisht për Infokusi.com ka thënë se sekretari i FVK-së ka bërë shkelje të rregullores që e kanë shtyrë atë deri te dorëheqja.

“Unë kam dhënë dorëheqje nga posti i anëtarit të bordit. Arsyeja është se sekretari Blerim Gërguri ka bërë shkelje të rregullores duke pajisur lojtarë ndërkombëtare jashtë rregullores. Unë kam kërkuar që të shkarkohet sekretari, e një gjë e tillë nuk ka ndodhur, prandaj edhe kam dhënë dorëheqje”, theksoi Istogu.

Infokusi.com ka arritur ta siguron vendimin që kanë marrë 6 anëtarët e bordit e në mesin e tyre edhe nënkryetari i FVK-së, Hysni Prelvukaj.

14872502_1296395980402352_1188003629_n

Por, në një prononcim për Infokusi.com, Prelvuaj thotë se nuk i kanë ngrirë postet, por iu kanë dhënë afat udhëheqësve të FVK-së që të mos marrin vendim të jashtëligjshme.

“Nuk është ngrirje, por iu kemi dhënë një afat mos mi marr disa vendime. Nuk është vetëm ndeshja ndërmjet Lubotenit dhe Drenicës, ka edhe çështje tjera. Një afat iu kemi dhënë deri të premten, por mos të harrojmë se kryetari ka të drejtën e vetos edhe nëse ne të gjithë jemi kundër. Nëse nuk përfillen kërkesat tona, do të dalim me një konferencë për media ku do të bëhen publike të gjitha”, tha Prelvukaj.

Infokusi.com ka provuar të kontaktojë edhe me sekretarin Blerim Gërgurin dhe Komisarin e Garave, Lulëzim Gërguri të cilët janë vëllezër, por asnjëherë prej tyre nuk e ka hapur telefonin.

Po ashtu, kemi provuar të flasim edhe me kryetarin e FVK-së, Abedin Ibrahimin, por edhe ai ka zgjedhur heshtjen, duke mos e hapur telefonin.

Ndryshe, ndeshja e luajtur në kuadër të javës së parë, ishte mbyllur me fitoren e Lubotenit 3:0, por Drenica kishte luajtur me ekip të dytë, pasi kishin vërejtur që tre lojtarë të huaj nuk kishin të drejt loje.

Në një prononcim për Infokusi.com, edhe kryetari i Drenicës, Ramiz Shala ka thënë se sekretari Blerim Gërguri ka shkelur të gjitha rregullat duke i pajisur me libreza volejbollistët që nuk kanë pasur të drejt të luajnë.

“Ne kemi shkuar për të luaju kundër Lobotenit dhe kur i kemi parë në fushë 3 lojtarë të huaj që nuk e kanë dokumentacionin e plotë ne kemi luajtur me ekip të dytë duke e ditur që ata nuk kanë të drejt. Ata kishin vetëm libreza që në mënyrë të jashtëligjshme ua kishte dhënë sekretari Blerim Gërguri. Pra, sekretari i ka pajisur një natë para ndeshjes e që është jashtë çdo rregulloreje, pasi edhe me i pas të gjitha dokumentet 24 orë para ndeshjes, nuk mund të luash. Atyre u mungonte certifikata ndërkombëtare e transferimit të cilët e kanë marr 1 javë pasi ndeshje është luajtur”, u shpreh Shala.

Ai tregon se si Komisari i Garave e ka hequr rezultatin e arritur në parket dhe për atë ndeshje është dashur të vendos Bordi të martën.

“Komisari e ka hequr rezultatin dhe nuk figuron fare, pra nuk është certifikuar. Bordi ka mbajtur mbledhje të martën dhe pas 5 orëve mbledhje nuk kanë vendosur asgjë. Kanë kaluar gati 1 muaj dhe ajo ndeshje ende nuk është regjistruar edhe pse janë caktuar tërminet e xhiros së pestë. Pra janë luajtur 4 xhiro të kampionatit dhe nuk e kemi rezultatin e xhiros së parë. Për këtë ndeshje do të vendos bordi”, tha Shala.

Ai paralajmëroi Federatën se të gjitha shkeljet që janë bërë do t’ia dërgojë sot edhe Federatës Ndërkombëtare të Volejbollit, ku për shkelje të tilla janë dënime të rënda që sillen rreth 50 mijë euro.

Madje drenicasit do të angazhojnë edhe avokat.

E sipas rregullores në fuqi të Federatës së Volejbollit të Kosovës, neni 4.9.1.1 specifikohet qartë se në rast se një klub apo shoqatë sportive aktivizon një lojtar të huaj pa përfunduar procedura e marrjes së Certifikatës Ndërkombëtare të Transferimit (ITC) gjobitet sipas rregullores së FIVB me 30.000 (tridhjetëmijë) euro.

Në rregullore specifikohet po ashtu se si bëhet një transferim i huaj në klubet kosovar.

Neni 4.9.2 Transferimi në Kosove i lojtarëve me pasaportë të huaj dhe anëtarë të një Federate tjetër Volejbolli bëhet vetëm me anë të procedurës on line përcaktuar nga FIVB. 4.9.2.1 Vetëm pas përfundimit të procedurës së regjistrimit on-line në FIVB, marrjes së certifikatës ndërkombëtare të transferimit (ITC) dhe pagesës së taksës në FVK prej 200,FVK jep licencën e aktivizimit të lojtarit të huaj.

Dënimet që përcaktohen nga Federata ndërkombëtare nëse shkelen këto rregullore, janë: 15 mijë euro gjobitet klubi, 15 mijë edhe Federata dhe 5 mijë euro lojtari që pajiset jashtëligjshëm.

Këto probleme vijnë vetëm disa ditë pas pranimit me të drejta të plota në Federatën Ndërkombëtare të volejbollit.

Ndryshe, Federata e volejbollit e Kosovës, konsiderohet si Federata që ka pasur më së shumti probleme si të shkeljeve të rregulloreve e po ashtu edhe probleme të natyrave të ndryshe që lidhen me volejbollin tash e 17 vite./Infokusi.com/

Error, group does not exist! Check your syntax! (ID: 27)