Opinione

Karriera e “bujshme” e deputetit!

22:34 | 05 April 2017
17807192_1745767662162891_1746803579_n

Po lexoj se deputeti i Parlamentit të Kosovës z. Bali Muharremaj paska filluar me fol për vlera, besa edhe të shqetësohet për të rinjtë që po e braktisin vendin! Interesant, qysh tash i paska ra ndërmend që kjo çështje është serioze dhe shumë e ndieshme.

Megjithatë, shumë keq, si nuk i ra ndërmend zotit Deputet ta ngritë këtë çështje në Parlamentin e Kosovës, aty ku përfaqëson qytetaret e këtij vendi! Apo ishte më interesant që Kuvendi i Kosovës të shndërrohet ne arenë lufte, aty ku zoti Deputet për gjashtë muaj “luftoi” dhe “rezistoi” me gaz lotësjellës duke e bllokuar çdo zhvillim dhe çdo proces pozitiv për vendin madje, duke ndikuar që me veprimet e tyre të shëmtuara dhe të ulëta t’i bëjnë të rinjtë të ikin nga Kosova.

Vazhdoni leximin nën reklamë ...

Loading...

Përveç kësaj, si deputet, si nuk i ra ndërmend z.Muharremaj që të paktën një herë në karierën e tij të “bujshme” politike të marrë një iniciativë për zhvillim ekonomik dhe avancimin e këtyre vlerave njerëzve, që tani duket shumë “i etur ” për t’i shtyrë me tutje!!!

Sidoqoftë, zoti Deputet, për këtë gjendje, më shumë se të tjerët, jeni fajtori ju, së bashku me ata anarkistët, që luanin me partinë tuaj si macja me miun, që për gjashtë muaj me gaz lotësjellës dhe më të gjitha format e dhunshme bllokuat shtetin për kalkulime politike dhe mos të harrojmë se Kosovën e keni bërë të njohur për të keq, në nivel global,!!!!.

Për t`u rikujtuar z.Deputet, Ju dhe partia Juaj, e keni treguar fytyrën e vërtetë dhe “dashurinë” që keni për pushtet. Ju z. Deputet keni bllokuar çdo proces për të arritur që të jeni pjesë e qeverisë, ju keni dashur ta futni vendin ne luftë civile vetëm për pushtet, ju keni gjuajtur bomba molotovi mbi policët e këtij vendi, vetëm për pushtet, ju vazhdoni të kërkoni çdo dite zgjedhje sikur të mos kishit qeverisur kurrë në këtë vend!!! Pra, ju jeni po ata njerëz që qytetaret e këtij vendi iu kanë ndëshkuar për keqqeverisje dhe prapë do të ju ndëshkojnë për bllokadën që po i bëni këtij vendi, vetëm për të qenë në pushtet, sepse, për Juve, fatkeqësisht shteti shërben vetëm për pushtet!!

Prandaj, do të vazhdoni të tkurreni e të mbeteni, nëse mbeteni, parti provinciale me mentalitetin politik se shtetin e sakrifikoni për pushtet dhe pushteti për Ju është instrument për t’u pasuruar dhe jo për t`u shërbyer qytetarëve!!!
N.LL.

Error, group does not exist! Check your syntax! (ID: 27)
Loading...