Ekonomi

“Kosovën dhe Turqinë ekonomikisht i lidhin pesë fjalë: dallaver, ryshfet, xhymryk, allashverish, tuxharet”!

17:47 | 22 December 2016
safet-Gerxhaliu-oek

Kryetari i Odës Ekonomike të Kosovës, Safet Gërxhaliu, në Info Magazine të Klan Kosovës ka thënë se vendi qëndron jo mirë ekonomikisht, marrë parasysh të gjithë parametrat, në raport me vendet e rajonit.

Gërxhaliu ka kërkuar më shumë punë në drejtim të forcimit ekonomik, sesa fjalë dhe debate boshe, shpeshherë të motivuara politikisht, siç ka thënë ai.

Error, group does not exist! Check your syntax! (ID: 34)

“Në Kosovë flitet më shumë për projekte ekonomike dhe zhvillim ekonomik, por bëhet pak. Ne edhe krahasuar me rajonin qëndrojmë keq. Ne kemi bërë shumë për infrastrukturë për biznese. Por, kompanitë e huaja kanë ardhur këtu dhe jo vetëm që nuk kanë shfrytëzuar shumicën dërrmuese të resurseve të vendit, por as ujin nuk e kanë marrë prodhim të Kosovës. Një ndër këto është edhe Bechtel. Brenga kryesore në debatet që kam përcjell ka qenë ‘mos po anashkakohet kjo apo ajo komunë’. Kjo i jep ngjyrë politike këtyre diskutimeve. Duhet që këto të marrin fund. Është koha që të kemi dialog, partneritet dhe sundim të rendit dhe ligjit”, ka thënë ai.

Gërxhaliu shprehet se këtë vit e ka konsideruar me një disiplinë financiare, se ka deri-diku transparencë në dikasterët e Qeverisë, e se është rritur dialogu i sektorit publik me atë privat.

“E pranuam apo jo, ministri Avdullah Hoti ka bërë punë të mirë të cilën duhet t’ia kenë lakmi”, thotë ai. “Për mua shqetësues nuk është buxheti, fundja. Shqetësuese është ikja e investitorëve të huaj, kur vendet e rajonit po thithin me të madhe investime të tilla”.

Në këtë intervistë ai tregon se çfarë ka thënë për një gazetë të huaj.

“Më pyetën se çka e lidh ekonomikisht Kosovën me Turqinë. Janë pesë fjalë që i lidhin këto vende: dallaver, ryshfet, xhymryk, allashverish, tuxharet”. /Klan Kosova/

Error, group does not exist! Check your syntax! (ID: 27)