Opinione

Ku qëndron suksesi i filozofisë rugoviane?

13:05 | 14 December 2016
ballsor_hoxha_274941-e1448627353655-630x478

Shkruan: Ballsor Hoxha

Më kujtohet një skenë kur Daut Haradinaj qante duke iu drejtuar LDK-së se kishin premtuar ta bënin dikë kryetar. Më kujtohet se si tërë ai burrë qante me lot në parlament për dikë që duhej të bëhej kryetar, që duhej të bëhej politikan. Dhe mbi të gjitha të vazhonte filozofinë rugoviane.

Vazhdoni leximin nën reklamë ...

E keni parë ndonjë nga videot e Adelina Ismailit? Veshjen e saj me rripa, buzët e saj të pastërta, trupin e saj të peshkut, dhe sidomos inteligjencën e saj. A ka kush që mund ta sundoj atë krijesë? A ka kush që ta rrëzoj nga froni? A ka kush që mund t’ia marr zemrën e saj? Përpos ndoshta Enver Sekiraqës.

Në anën tjetër filozofia e Rugovës, paqe në të gjitha anët, inteligjencë në të gjitha anët, zemër në të gjitha anët (sikur në vitet e nëntëdhjeta), dhe sidomos bindje dhe vendosmëri (sikur takimin me Millosheviqin).

Dhe paramendo tërë bagazhin e këtyre dyve të takuar në një rrugë për të mirë të vendit. Paramendo Adelina ismaili dhe Ibrahim Rugova të dy së bashku duke çarë rugën drejt lirisë, drejt indepedencës, drejt një mendjeje më të madhe që do të na udhërrëfej në të ardhmen.

Pse të kemi frikë nga ajo që po ndodh? Pse të kemi frikë nga bota jonë e brendshme? Pse të kemi frikë nga udhëtimi ynë si i Uliksit, kur jemi të udhërrfyer nga ndërkëmbimi i këtyre dy majeve të arritjeve shqiptare? Pse të kemi frikë nga serbët, p.sh., pse të kemi frikë nga humbja e racionalitetit kur Ibrahim Rugova e ka arritur këtë racionalitet shumë vite më herët, dhe sot janë ditët e para kur po shpaloset po i njëjti racionalitet.

Pastaj zemra jonë, të gjithë po pyetemi ku është ajo? Kush na e ka marrë? Po kush tjetër përpos Adelina Ismailit e cila e ruan atë si një shqiponjë e tmerrshme, sikur një azhdajë e tmerrshme, sikur një nënë.

Dhe populi janë mbledhur nëpër kafene duke pritur zgjidhjen e ngërçeve politike, zgjidhjen e konfilkteve tona, zgjidhjen e ardhmërisë sonë. Po çka që mund të na ndaloj ta jetojmë jetën tonë. Shikoni përreth çka kemi arritur, shikoni përreth çka kemi krijuar, shikoni përreth çka kemi ndërtuar.

Nëse ndonjë njeri ka dyshim në këtë mendje të ndritur, këtë vetëdije të lartësuar, vetëm kujtojeni këngën e Adelina Ismailit “Cigarxhiu im i vogël”, vetëm kujtojini ato ndjenja, atë madhështi, atë bashkëndjesi, atë përgjërim të saj për cigarxhiun e vogël. A nuk trimëroheni nga kjo arritje? Pastaj edhe motra e saj kur e luftonte kokainën, pastaj tërë estrada duke pastruar çdo gjë.

Prandaj suksesi i filozofisë rugoviane, nuk është vetëm në të menduarit e madhërishëm, nuk është vetëm në trishtimin e tij të gjetur në Whiskey, nuk është vetëm në dashurinë e tij ndaj të gjitha identiteteve prej atyre katolik e deri tek ata mysliman, por pikë së pari është në tregjedinë e tij të qenit tejet i menqur për një popull kaç të vogël.

Filozofia rugoviane nuk është vetëm filozofi empirike, por edhe fenomenologjike, edhe strukturaliste edhe shkencore. Ai nuk deshi të përkulej ndaj serbit, megjithë takimin me Milosheviqin, me gjithë konvertimin në katolik si Pjetër, ai nuk deshi të përkulej para asgjëje andaj filozofia e tij rron, së bashku me Adelina Ismajlin.

Error, group does not exist! Check your syntax! (ID: 27)