Lajme

Pas takimit me ambasadorët, Meta kokë më kokë me Ramën

13:28 | 25 April 2017
screen-13.27.26[25.04.2017]

Kryeministri Edi Rama ka zhvilluar një takim me kreun e LSI-së, Ilir Meta, pak orë përpara se në Tiranë të nisin negociatat për zgjidhjen e krizës.

Takimi i tyre vjen pas takimit që Meta zhvilloi me ambasadorët e BE-së, OSBE-së dhe SHBA-së.

 Gjatë drejtës në Tiranë do të mbërrijë me kërkesë të Ramës dhe Metës, zv.Presidenti i PPE-së, i cili do të tentojë zgjidhjen e krizës dy mujore mes maxhorancës dhe opozitës.

Pasi kanë kontaktuar në mënyrë intensive mes palëve, zv.presidenti i PPE-së dhe eurodeputeti Fleckenstein do të vijnë në Tiranë për t’u bërë një ofertë konkrete për zgjidhjen e krizës aktorëve kryesorë politikë në vend.

Burime të “Panorama” sqarojnë se e sigurt është që nuk do të ketë një tryezë të përbashkët Rama- Meta-Basha, për aq kohë sa këta të fundit nuk do të kenë rënë fillimisht dakord për nënshkrimin e një marrëveshjeje politike.

Sipas burimeve, fillimisht dy negociatorët gjermanë, McAllister dhe Fleckenstein, do të zhvillojnë takime me dy drejtuesit e koalicionit të majtë, Rama e Meta. Sipas burimeve, Kryeministri Rama ka deklaruar se është i gatshëm të pranojë çdo kusht apo zgjidhje të ofruar nga opozita me kushtin e vetëm që ajo të jetë një ofertë që nuk shkel Kushtetutën.

I gatshëm për të negociuar dhe për të arritur drejt një marrëveshjeje të dakordësuar, ka qenë edhe kreu i opozitës Basha. Por ndryshe nga kreu i qeverisë, për Bashën me rëndësi është që të ketë një zgjidhje politike, çfarë nënkupton krijimin e një qeverie teknikedhe shtyrje e datës së zgjedhjeve.

Error, group does not exist! Check your syntax! (ID: 27)