Ekonomi

A po përmbyllet ky vit me rritje ekonomike siç tha Hoti ?

13:56 | 27 December 2016
ekonomia-e-kosov-euml-s-rritja-ekonomike-vet-euml-m-3-5_hd-780x439

Njohësi i çështjeve ekonomike, Ibrahim Rexhepi tha për GazetaBlic ka thënë se problem mbetet ajo se nga mbetet kjo rritje, duke pasur parasysh se investimet e huaja dhe ato nga sektori privat janë të vogla në krahasim me investimet publike.

“Ka mundësi që rritja ekonomike të jetë rreth 4 për qind, por megjithatë, për këtë duhet pritur ende dhe ajo që thotë ministri është vetëm parashikim. Mirëpo, edhe më tej mbetën problem në vete mbetet ajo se prej nga vjen kjo rritje. Pa dyshim që në rend të parë është konsumi, i cili në një masë të madhe financohet nga diaspora- përmes remitancave. Pastaj vijën investimet, ku investimet e huaja dhe ato nga sektori privat janë të vogla në krahasim me investimet publike” tha Rexhepi.

Ibrahim_rexhepi

Error, group does not exist! Check your syntax! (ID: 34)

Tutje ai ka vazhduar duke thënë se kjo rritje ekonomike nuk është e qëndrueshme duke pasur parasysh se bartësit e saj nuk kanë qëndrueshmëri afatgjate, transmeton GazetaBlic.

“Dua të them se rritja ekonomike nuk është e qëndrueshme, me qenë se bartësit e saj nuk kanë qëndrueshmëri afatgjate, e cila kryesisht mund te ndërlidhet me jo stabilitetin dhe pasigurinë që ka biznesi privat. Dhe, tjetra, kjo rritje nuk ka ndikuar në uljen e varfërisë. Kjo do të thotë se prej saj përfitojnë një kategori e ngushtë e individëve, apo, kryesisht ata qe janë merr afër parasë publike.

Shifra rreth punësimit nuk është shumë bindëse, meqenëse nuk ka të dhëna analitike për sektorët ku janë punësuar, si edhe për faktin se a kemi të bëjmë me uljen e informalitetit në tregun e punës, apo hapjen e vendeve te reja të punës. Po ashtu, përderi qeveria flet për rritjen e numrit të të punësuarve, nga ana tjetër po zvogëlohet numri i kontribuuesve ne Trustin e Kursimeve Pensionale. Për këtë arsye themi se këto të dhëna edhe më tej duhet të verifikohen dhe vërtet të shohim qartë se ku është rritë punësimi, e jo kjo te buron vetëm prej anketave, si i bene Agjencia e Statistikave” përfundoi deklaratën e tij Rexhepi.

E deputeti i Kuvendit të Kosovës nga radhët e AAK-së, Pal Lekaj se punësimi i 18 mijë personave është tejet e pabesueshme, përcjell GazetaBlic.

“Qeveria e Kosovës edhe nëse ka ndodhur që i ka punësuar 18 mijë persona,gjë që është tejet e pabesueshme sepse trendët e zhvillimit dhe të punësimit sipas statistikave dhe nga agjencia e Statistiva të Kosovës e tregojnë se kanë qenë tejet negative, këta të puënsuar janë të gjithë në administratën publike, gjë që tregon se buxheti i shtetit është rënduar dhe më tepër. Jo rastësisht dalin që rreth 20 milion euro shkojnë për të paguar një Qeveri kineze në Kosovë.

pal-lekaj-me-13-vetura-dhe-pasuri-milion-euml-she-hd_1478777094-5355504

Buxheti nuk ka qenë aspak infusion për zhvillimin ekonomik dhe për rritjen e standardit, i tëri është hargjuar në rrugë, duke mos mbështetur bujqësin, duke mos investuar në rini për t`ju krijuar atyre shansin që të kenë biznese të vogëla e të mesme. Pra buxheti nuk ka krijuar bazën për një Kosovë të shëndoshë e të fortë” përfundoi Lekaj.

Nuk ka qenë ndryshe as reagimi i deputetit të Lëvizjes Vetëvendosje, Driton Çaushi, i cili ka thënë se çdo dështim po mundohen ta shesin si sukses.

“Ne jemi mësuar me deklarata të këtilla të ministrave dhe vetë Isa Mustafës si kryeministër, që çdo dështim mundohen ta shesin si sukses. Përderisa ministri Avdullah Hoti na flet për 18 mijë persona të punësuar dhe rritje ekonomike, raportet dhe hulumtimet e ndryshme flasin për rritje të varfërisë e papunësisë, kurse vetëm në periudhën janar-gusht të këtij viti janë 7500 qytetarë që kanë shkuar për të punuar në Gjermani, pra kanë lënë Kosovën” theksoi Çaushi.

driton-caushi-e1451490118953-640x380

Çaushi  ka vazhduar duke thënë se nëse në këtë mandat janë punësuar 18 mijë njerëz , deri në fund të mandatit priten të punësohem më pak se 40 mijë qytetarë, ndryshe nga premtimi për 320 mijë vende të reja pune.

“Në anën tjetër, duhet theksojmë se edhe nëse gjatë këtij mandati qenkan punësuar 18 mijë persona, kjo i bie që gjatë gjithë mandatit, me këtë trend, do të punësohen më pak se 40 mijë qytetarë, Përderisa PDK dhe LDK së bashku kanë premtuar 320 mijë vende pune. Pra, haptas po na tregohet nga vetë se si gënjyen këta pushtetarë në periudhën elektoral” përfundoi Çaushi.

Ndryshe, Ministri i Financave, Avdullah Hoti, në fjalimin e tij për fundvit ku ka bërë prezantimin e të arriturave të ministrisë që drejton, ka thënë se në vitin 2016 janë shtuar 18 mijë vende pune.

Error, group does not exist! Check your syntax! (ID: 27)