Ekonomi

Prezantohen ofertat turistike

14:58 | 20 April 2017
18043022-10206690041488559-260284459-o_5602-780x439

Të enjten është hapur Panairi Ndërkombëtar i Edukimit, Turizmit dhe Sportit, i cili ka për qëllim informimin dhe ngritjen e vetëdijes së studentëve rreth përzgjedhjes dhe avancimit të tyre profesional, si dhe mundësive për bursa dhe punë praktike.

Në këtë panair u ekspozuan pika të reja turistike të shumta, të cilat u prezantuan nga agjencitë Kombëtare të Turizmit nga Shqipëria, Maqedonia, Mali i Zi, Kosova Lindore dhe më gjerë.

Error, group does not exist! Check your syntax! (ID: 34)

Drejtoresha e Agjencisë Kombëtare të Turizmit në Shqipëri, Olta Lame duke i përshëndetur të pranishmit vlerësoi lart hapjen e panairit tradicional për promovimin e turizmit.

“Një falënderim të veçantë për këtë që na është mundësuar pjesëmarrja jonë në këtë panair me traditë dhe për marrëdhëniet tona të mira”, theksoi Lame.

Kryetari i Komunës së Ulqinit, Nazif Cungu tha se edhe për këtë vit Ulqini është i përgatitur për turistët.

“Ne zakonisht sezonin turistik e fillojmë me Kosovë, me festën e 1 majit, kështu edhe kësaj radhe për këtë festë kemi përgatitur një program të veçantë, i cili do të zgjatë një javë ditë dhe besoj se do ta shfrytëzoni këtë kohë që të vini dhe të jeni me ne. Turizmi modern kërkon edhe ndryshime të shumta me ndërtime të hoteleve me katër dhe pesë yje. Ulqini të jetë vazhdimisht qyteti më i frekuentuar, posaçërisht prej shqiptarëve dhe nga turistë të tjerë nga të gjitha shtetet”, tha kryetari Cungu.

Organizatori i këtij panairi nga kompania “CEO”, Bekim Xhafa tha se të dy panairet janë tradicionale, të cilat, sipas tij, për çdo vit sjellin risi të shumta nga turizmi dhe edukimi. Në këto dy panaire të cilat do të jenë të hapura edhe nesër për vizitorët po marrin pjesë mbi 100 kompani nga vendi, rajoni dhe Evropa.

Ndërsa, Rexhë Gashi, investitor nga Zvicra, tha se ka investuar në sektorin e hotelerisë dhe verarisë në Prizren, por ka telashe të gjejë staf profesional.

“Problemi kryesor qëndron në edukim këtu në Kosovë, nuk qëndron në fuqinë punëtore. Kemi mangësi dhe ekspertizë të lëmenjve të ndryshëm ku të rinjtë nuk kanë ende aftësi praktike që të punojnë në lëmi të ndryshme. Një sukses që duket i jashtëzakonshëm këtu, në Evropë është shumë normale. Mungesa e analizës laboratorike kjo është mungesa jonë dhe pengesa kryesore është sistemi i energjisë elektrike ku çmimet janë të jashtëzakonshme, ne paguajmë më shtrenjtë rrymë këtu se sa në Evropë, pengesë kjo edhe me ndërprerje të energjisë”, theksoi Gash i për KosovaPress. /Telegrafi/

Error, group does not exist! Check your syntax! (ID: 27)