Rajoni dhe Bota

Serbia armatoset me helikopterë ushtarakë nga Evropa

14:30 | 29 December 2016
nenshkrimi_1483021187-5843391

Ministria e Mbrojtjes dhe ajo e Punëve të Brendshme të Serbisë kanë përfunduar një marrëveshje me “Airbus Helicopters” për prokurimin e nëntë helikopterëve, H-145M, për nevojat e ushtrisë së Serbisë dhe Ministrisë së Punëve të Brendshme.

“Nëpërmjet kësaj blerje, e Forcat Ajrore të Ushtrisë së Serbisë dhe njësisë së helikopterëve të MPB-së të Serbisë do të jenë të paisura me gjeneratën e fundit të helikopterëve për të kryer misionet me kërkesa të mëdha (transportim, kërkim dhe shpëtim, misione luftarake, evakuimin mjekësor, mbikqyrje dhe monitorim, etj)”, thuhet në deklaratë, raporton agjensia Beta.

Vazhdoni leximin nën reklamë ...

Loading...

Siç thuhet më tej, marrëveshja parashikon blerjen e nëntë helikopterëve me një pako të pjesëve të këmbimit, paisjet dhe dokumentacionin, por edhe transferimin e teknologjisë për mirëmbajtjen e këtyre fluturakeve.

U ra dakord gjithashtu për pajisjet, trajnimin dhe certifikimin e Institutit të Aviacionit “Moma Stanojlovic” në Batajnicë si qendër për mirëmbajtjen e helikopterëve “Gazela” dhe përfshirjen e Institutit në rrjetin riparues të “Airbus Helicopters”.

Është kontraktuar edhe mbështetja për kompanitë serbe dhe institucionet kërkimore shkencore, me qëllim të marrjes së kualifikimeve dhe certifikimit përkatës, me shikimin e mundësive për angazhimin e kapaciteteve industriale serbe dhe blerjen e mallrave dhe shërbimeve të tyre.

Përveç përfaqësuesve të Ministrisë së Mbrojtjes dhe ushtrisë së Serbisë, Ministrisë së Punëve të Brendshme dhe përfaqësues të kompanisë “Airbus Helicopters” dhe “Airbus Group”, në ceremoninë e nënshkrimit ishin të pranishëm ministri i Mbrojtjes, Zoran Djordjevic, ambasadori francez në Serbi, Christine Moro, dhe ambasadori gjerman në Serbi, Aksel Ditman.

Deklarata nuk specifikon vlerën e kontratës.

Error, group does not exist! Check your syntax! (ID: 27)
Loading...