Lajme

Shqiptari u masakrua për para, familja nuk po mund ta çregjistrojnë nga gjendja civile (Foto)

13:33 | 25 April 2017
vjollca-arapi-655x356-780x439

Familja Arapi nga Durrësi, e cila humbi kryefamiljarin 15 ditë më parë nga një sulm barbar i dy vëllezërve Ekonomi, po përballen me një tjetër problem që ka të bëjë me çregjistrimin nga gjendja civile e viktimës, Agim Arapi.

“BalkanWeb” mëson se shkak për këtë është bërë një shënim në skedën e vdekjes që mungon (vendi i vdekjes).

Për këtë arsye gjendja civile nuk merr përsipër të kryejë procedurat e çregjistrimit të 60-vjeçarit, me argumentin se mjeku ligjor që ka plotësuar skedën e vdekjes duhet të specifikonte vendin se ku kishte ndërruar jetë viktima. Bashkëshortja e të ndierit, Vjollca Arapi tregon në një prononcim për “BalkanWeb” peripecitë që po has për të kryer çregjistrimin e kryefamiljarit.

Error, group does not exist! Check your syntax! (ID: 34)

Sipas bashkëshortes së viktimës, ngjarja po deformohet me qëllim për të përfituar autorët.

Mjeku ligjor ka plotësuar dy skeda vdekje: njëra ku përcaktohet shkaku i vdekjes dhe tjetra ku thuhet se nuk dihen shkaqet. Kjo e dyta, sipas saj, ka bërë që Jurgen Kurti të lirohet.

Ngjarja e rëndë ndodhi në datën 11 prill, rreth orës 19:55 në lagjen Nr.1 Durrës, Bulevardi “Epidam”, në një dyqan ushqimor.

Pas një konflikti për 13 mijë lekë për qiranë e tubave të aspirimit, vëllezërit Kujtim dhe Kostandin Ekonomi sulmuan me grushte dhe sende të forta 60-vjeçarin Agim Arapi, duke e lënë të vdekur në vend. Fillimisht u shoqërua edhe dhëndri i tyre, Jurgen Kurti por më pas u la i lirë. /bw/

Error, group does not exist! Check your syntax! (ID: 27)