Auto&Tech

Vetëm Storiet e Instagram’it tani janë më të popullarizuara se krejt Snapchat’i

13:44 | 14 April 2017
inst_1492106585-9456502

Instagram ia bën bajat Snapchat’it.

Mund të themi çfarë të duam për inkuadrimin e panevojshëm të Storieve nga Facebook në shumë prej aplikacioneve dhe shërbimeve të tij.

Error, group does not exist! Check your syntax! (ID: 34)

Por, në aplikacionin ku pa dyshim ka më së shumti rëndësi, në Instagram, veçoria e publikimit të fotografive dhe videove që zhduken pas 24 orësh, që Facebook e ka klonuar direkt nga rivali Snapchat, po vazhdon të shënojë sukses masiv, shkruan The Verge.

Stories në Instagram tani përdoren nga më shumë se 200 milionë njerëz në ditë (nga gjithsej 600 milionë përdorues që ka rrjeti social në pronësi të Facebook’ut) – që ose publikojnë vetë diçka, ose shikojnë diçka që ka publikuar dikush tjetër, përcjell Gazeta Express.

Kjo e bën këtë veçori të Instagramit më të popullarizuar se krejt Snapchat’in, aplikacionin që i ka popullarizuar Storiet si koncept, dhe rivalin e përjetshëm të Facebook’ut në luftën për joshjen e përdoruesve të rinj.

Sipas shifrave të fundit nga çereku i katërt i vitit 2016, Snapchat ka 158 milionë përdorues aktivë ditorë. Dhe, jo të gjithë e përdorin veçorinë Stories të Snapchat’it. Disa e përdorin këtë aplikacion thjesht për t’i dërguar njerëzve të caktuar fotografi apo video.

Error, group does not exist! Check your syntax! (ID: 27)