Lajme

Pacolli: Kush e ka të shenjtë interesin e vendit, nesër e voton demarkacionin

22:58 | 19 March 2018

Zëvendëskryeministri Behgjet Pacolli ka bërë thirrje për ratifikimin e demarkacionit me Malin e Zi. Një ditë para seancës, nëpërmjet një shkrimi në Facebook, Pacolli e theksoi këtë ditë si vendimtare për seriozitetin e shtetit.

Sipas Ministrit të Punëve të Jashtme Behgjet Pacolli tij secili deputet që e ka të shenjtë interesin e vendit, do të votojë nesër demarkacionin me Malin e Zi.

“Nesër (Sot), ditë vendimtare për seriozitetin e shtetit tonë! Kush e ka të shenjtë interesin e popullit të Kosovës, emrin e mirë të shtetit, lëvizjen e lirë, kush do që të mos varemi për interesat tona nga shtetet fqinjë, të votojë PRO DEMARKACIONIT. Askush, as Mali i Zi, shtet mik anëtar i NATO-s, nuk mund të cenojë territorin e Kosovës. Çdo padrejtësi, nëse ka ndodhur, do të korrigjohet!’, shkruan Pacolli në Facebook.

Seanca për deamarkacionin do të mbahet nesër në orën 16:00.