Lajme

Përfundon afati për aplikim në Universitetin e Prishtinës

20:18 | 17 July 2017

Sot ishte dita e fundit e dorëzimit të dokumenteve për të gjithë nxënësit e interesuar për të qenë pjesë e Universitetit të Prishtinës

Afati për aplikim është hapur me datë 10 korrik dhe ka zgjatur deri sot 17 korrik në orën 16:00 shkruan infokusi.com

Të gjithë nxënësit që pretendojnë të jenë pjesë e Universitetit të Prishtinës kanë aplikuar online ne faqen e Universitetit e më pas kanë bërë dorëzimin e dokumenteve në fakultetet përkatëse.

Për dallim nga vitet e tjera këtë vit kishte staf të shtuar të personelit që merreshin me pranimin e dokumenteve kështu që nuk kishte tollovi në korridoret e UP-së përkundër numrit të madh të aplikuesve.

Portali Infokus.com kishte raportuar ditë më parë për mbarëvajtjen e procesit te dorëzimit ët dokumenteve.

Provimet pranuese në 13 Fakultete të Universitetit të Prishtinës do të mbahen më 19 dhe 20 korrik, ndërsa shpallja e rezultateve pritet të bëhet nga 22 deri 28 korrik.

Universiteti i Prishtinës këtë vit do të pranoj 6869 studentë të ri në nivelin baçelor, prej të cilëve 5969 studentë të rregullt ndërsa 900 studentë me korrespodencë./INFOKUSI