Lajme

Presidenti Thaçi sekretarit Johnson: Dialogu Kosovë-Serbi e vetmja zgjidhje për normalizim

20:22 | 13 March 2018 | Autori: Infokusi

Presidenti Hashi Thaçi gjatë qëndrimit të tij në Mbretërinë e Bashkuar, ka takuar sekretarin e Jashtëm të këtij shteti, Boris Johnson.

Ai ka thënë se me sekretarin Johnson, ka biseduar lidhur me zhvillimet aktuale në Kosovë, me theks raportet Kosovë-Serbi.

Ai ka thënë se dialogu mes të dyja shteteve është e vetmja zgjidhje për të normalizuar raportet, si dhe zgjidhjet e problemeve.

Statusi i plotë i Presidentit Thaçi:

Sot zhvillova një takim me sekretarin e Jashtëm të Mbretërisë së Bashkuar, Boris Johnson.

Me sekretarin Johnson biseduam rreth zhvillimeve aktuale në Kosovë dhe rajon, me theks të veçantë për dialogun për normalizimin e marrëdhënieve mes Kosovës dhe Serbisë.

Është mendim i përbashkët që dialogu është e vetmja formë e zgjidhjes së problemeve, si kusht për perspektivën evropiane të dy vendeve.

Kosova falënderon Mbretërinë e Bashkuar për mbështetjen e përhershme në të gjitha periudhat e shtetndërtimit. HTH/Infokusi.com

Të tjera