Lajme

Ramadani: Thaçi mirë që tentoi, por gaboi që u tërhoq

09:40 | 05 April 2017

Njohësi i çështjeve të sigurisë Burim Ramdani, njëherit edhe përfaqësues i Qendrës Kërkimore për Politika të Sigurisë (SPRC), me anë të një statusi ka vlërësuar iniciativën ligjore të Presidentit Hashim Thaçi, si hap i parë për transformimin e FSK-së në ushtri, por se ka kritikuar tërheqjen e tij në hapin e dytë, për të cilin SPRC-ja ditë më parë edhe u kishte dërguar një memo intitucioneve të vendit, përfshirë edhe Presidentin Thaçi, shkruan infokusi.com.

Ramdani ka thënë se ata si SPRC pikërisht për hapin e dytë i kishin rekomandur se si duhej të bëhej ai, por që sipas tij Thaçi në vend se ta ndërmarrë këtë hap, ka vendosur të tërhiqet, duke bërë që gjërat të kthehen në pikën zero sa i përket hapit të dytë.

Në vijim po u japim statusin e plotë të Burim Ramadanit në Facebook:

“Thaçi mirë që tentoi, por gaboi në hapin e dytë

Tërheqja e Projekt-Ligjit për FSK-në është bërë si përpjekje për të shtjerrë mundësitë për të bindur deputetët serbë kosovarë që të votojnë ndryshimet kushtetuese për FSK-në.

Në këtë konstatim, jemi në rregull besoj!

E mirë ishte iniciativa për ndryshime ligjore, si hap i parë. Por, i mungoi hapi i dytë.

Kjo iniciativë ishte ndërtuese e një momentumi të ri, por që kërkonte përpjekje intensive e gjithëpërfshirëse. Nuk ishte punë e kryer dhe nuk duhej të jepej në publik si diçka e kryer.

Këto konstatime i kemi bërë edhe në SPRC, përmes Memos për institucionet, partnerët dhe shoqërinë civile, më 15 mars 2017.

Pikërisht, i patëm rekomanduar si të bëhej hapi i dytë.

Pra, mirë që u tentua. Mirë që Presidenti Thaçi tentoi, por keq që kjo nuk u përcoll me një Plan Veprimi konkret dhe gjithëpërfshirës, si hap i dytë.

Dhe, pikërisht hapi i dytë mungoi. Mungesa e këtij Plani të Veprimit e dështoi edhe hapin e parë.

Pas kësaj, duhet rinisur përpjekjet përmes një Strategjie të qartë dhe efekt-prurëse. Pra, të rinis hapi i dytë, tash kur hapi i parë është anuluar.

Përpjekje intensive për të arritur ndryshimin e misionit të FSK-së nuk kemi parë.

Nuk është arritur një qasje nacionale për këto përpjekje.

Nuk është ndërtuar një Plan Veprimi gjithëpërfshirës për Ushtrinë”, ka shkruar Ramadani në Facebook.