Kuzhina

Receta për llokume ftoi

15:28 | 06 February 2018 Autori: Infokusi

Llokumet me arra janë të preferuarat e shumicës, veçanërisht për ta shoqëruar kafenë. Megjithatë nëse nuk keni provuar llokume ftoi, ju rekomandojmë që t’i provoni.

E pse jo edhe te mos i përgatisni vetë…

Përbërësit

1 kg ftonj
500 gr sheqer
200 ml ujë
1 limon
50 gr arrë kokosi

Përgatitja

Ftonjtë i lajmë dhe i pastrojmë, i presim në copa të çrregullta me gjithë lëkurë dhe fara. I vendosim në zjarr, hedhim ujin dhe i ziejmë 1 orë. I buajmë me blender dhe i kullojmë në një site. Masën e përftuar e vendosim përsëri në tenxhere, shtojmë sheqerin dhe lëngun e limonit, e ziejmë në temp të ulët derisa të trashet. Shtrojmë letër furre në tavë dhe e lyejmë me pak gjalp hedhim masën e ftoit dhe e sheshojmë më lugë. E lëmë të ftohet dhe thahet plotësisht për 1 ditë, e presim në copa dhe i kalojmë në arrë kokosi.

Të tjera