Lajme

Rrebeshe shiu nesër, ja zonat

22:41 | 17 November 2017

Nesër dita do të dominohet nga vranësira dhe kthjellime, ndërsa në disa zona do të ketë dhe rrebeshe shiu.

Sipas meteoalb të shtunën do të ketë kthjellime e vranësira të lehta dominojnë motin në ultësirën perëndimore por me vranësira të dukshme paraqiten zonat malore.

Pasditja vijon me kthjellime dhe vranësira të herë pas hershme në pjesën më të madhe të vendit, përjashtuar ekstremin Jugor ku do të ketë rrebeshe të shkurtra deri në mbrëmje kur pritet që moti të karakterizohet nga kthjellime dhe vranësira kalimtare deri mëngjesin pasardhës.

Temperaturat e ajrit sjellin një rënie me 2°C gjatë mëngjesit por nuk priten ndryshime të ndjeshme në orët e mesditës.