Rajoni dhe Bota

Senatorët amerikanë bëjnë thirrje për sanksione kundër Rusisë, Obama pritet të vendosë sot

09:45 | 29 December 2016
93161397-senators_1483003484-5832554

Tre senatorë të rëndësishëm amerikanë kanë bërë thirrje për sanksione kundër Rusisë dhe presidencës ruse, për shkak të dyshimeve se Rusia kishte ndërhyrë në zgjedhjet presidenciale në SHBA, muajin e kaluar.

Republikanët John McCain dhe Lindsey Graham, dhe demokratja Amy Klobucha, kanë thënë se thirrja e tyre ka gjetur përkrahje brenda dy partive amerikane në Senat, transmeton Express.

Ndërkohë, presidenti i zgjedhur amerikan, Donald Trump, i ka hedhur poshtë pohimet se Rusia kishte ndërhyrë në zgjedhje.

E presidenti në largim i SHBA-së, Barack Obama, pritet që të njoftoi sot për “masa shpagimi” ndaj Rusisë.

Nëse ndodhin, sanksionet do të jenë ekonomike dhe në lidhje me ndryshime në marrëdhëniet diplomatike.

Në anën tjetër, zëdhënësja e Ministrisë së Jashtme të Rusisë, Maria Zakharova, është kundërpërgjigjur përmes një komunikate: “Nëse Uashingtoni vërtet merr hapa armiqësor, atëherë do t’i kundërpërgjigjemi.”

Etiketa: