Lajme

Si kohë fushate, premtohet rritje pagash

22:11 | 22 November 2017

Ministri i Financave, Bedri Hamza, ka prezantuar projektbuxhetin për 2018 para Komisionit parlamentar për Buxhet dhe Financa, i cili sipas projeksioneve për 2018 pritet të ketë rritje ekonomike 4.6 për qind.

Hamza ka thënë se te pjesa e shpenzimeve janë rritur për 272 milionë euro.

Ai ka thënë se në buxhetin e vitit të ardhshme parashihet të ketë rritje të pagave për sektorin publik.

Vlera për mallra dhe shërbime pritet të jenë 264 milionë euro apo një rritje prej 7.9 % në raport me rishikimin e buxhetit 2017-të. Shpenzimet kapitale për vitin 2018-të planifikohen të rriten për 37 % në raport me buxhetin e rishikuar të këtij viti.

Hamza ka theksuar se investimet kapitale pritet të shkojnë për autostradën në drejtim të Shkupit, rrugës Pejë-Prishtinë, Prishtinë-Mitrovicë e pastaj në drejtim të Podujevës dhe Gjilanit.

Ndërsa, kryetari i Komisionit, Lumir Abdixhiku, ka thënë se trendi i rritjes së të hyrave është më i ulët se sa i viteve parapake, ndërsa kritikoi qeverinë se 41 % e investimeve kapitale janë paraparë të dedikohen në asfalt.

Po ashtu ka pasur pyetje edhe për mjetet e fondit të Veriut të Mitrovicës për të cilat ministri Hamza ka thënë se ato mjete janë në Ligjin e Buxhetit dhe do të shpenzohen konform ligjit.

Për më shumë ndiqeni kronikën e plotë: