Shëndetësi

Si ndikon alkooli në qelizat burimore të trurit?

14:31 | 13 November 2017

Ne të gjithë e dimë se një sasi e madhe e alkoolit është e dëmshme për ne, por a e dimë se çfarë i bën vërtet trurit tonë?

Hulumtimet e reja sugjerojnë se konsumimi afatgjatë i alkoolit i zhduk qelizat burimore të trurit, të cilat luajnë një rol kyç në mbështetjen e funksionit të njohur kognitiv, transmeton Indeksonline.

Sipas të dhënave të ofruara nga Instituti Kombëtar për abuzimin me alkoolin dhe alkoolizmin (NIAAA) në Shtetet e Bashkuara, rreth 88,0008 të rritur vdesin çdo vit për shkak të konsumit të alkoolit. NIAAA shton se alkooli është “shkaku i tretë i parandalueshëm i vdekjes” në vend.

Hulumtimet gjithashtu kanë lidhur në mënyrë të përsëritur abuzimin me alkoolin me rrezikun e zhvillimit të sëmundjes së mëlçisë, si dhe me neurodegjenerimin.

Dhe tani, hulumtuesit po hetojnë ndikimin e alkoolit në qelizat burimore nervore (NSCs), të cilat janë qeliza të padiferencuara në sistemin nervor qendror që kanë aftësinë të specializohen sa herë që është e nevojshme.

Hulumtimi është realizuar në minj duke i ekspozuar ndaj konsumit afatgjatë të alkoolit.

Ata gjetën se alkooli ndikoi që qelizat burimore të ishin më të ndjeshëm ndaj efekteve të etanolit të cilat ndërprenë procesin e tyre të diferencimit.

Etiketa: