Ekonomi

Termocentralet e KEK-ut nuk po na zhgënjejnë këtë vit, prodhimi në maksimum

14:51 | 07 January 2017
skender-bucolli

Falë angazhimit maksimal të punëtorëve dhe punës ekipore të menaxhmentit të KEK-ut, përgaditjet e bëra gjatë gjithë vitit po japin rezultate pozitive edhe gjatë këtij dimri, kështu ka thënë për portalin ‘Infokusi’ drejtori i zyres për informim të KEK-ut, Skënder Bucolli.

“KEK-u, tashmë ka dëshmuar se është faktor stabiliteti sa i përket sektorit energjetik, në bazë të procedurave të gjitha remontet e planifikuara kanë rezultuar të suksesshme, me këtë edhe besueshmëria në të gjitha blloqet është rrit në nivelin e duhur”, ka deklaruar Bucolli.

Për më tepër, ai ka thënë se në vazhdën e përgatitjeve dimërore, përveç remonteve të blloqeve, KEK-u bën edhe planifikimin e rregullte të mbrojtjes së objekteve dhe pajisjeve kryesore në TC-A, TC-B dhe Miniera nga te ftohtit dhe gjithashtu kujdeset që të ketë rezerva të mjaftueshme të lëndës djegëse (qymyr dhe mazut) Prandaj, KEK-u gjatë nëntë mujorit të këtij viti ka arritur me sukses të realizojë prodhimin konform planifikimeve dhe bilancit energjetik, ka bërë të gjitha përgatitjet e nevojshme edhe për sezonin dimëror dhe nuk ka mëdyshje se prodhimi do të vazhdojë me të njëjtin ritëm.

“Punëtorët dhe Menaxhmenti i KEK-u do të bëjnë maksimumin që edhe tani e tutje të gjithë qytetarët e vendit të kenë energji elektrike të mjaftueshme”, ka pohuar Bucolli. /INFOKUSI