Rajoni dhe Bota

Turqi: Arrestohet një gazetar i rëndësishëm, për shkak të postimeve në rrjetet sociale

10:45 | 29 December 2016

Gazetari hulumtues Ahmet Sik është ndalur sot nga policia turke për t’u marrë në pyetje në lidhje me një seri postimesh në rrjetet sociale.

Agjencia shtetërore e lajmeve e Turqisë, Anadolu, raporton se Sik u ndalua nën dyshimin se e ka fyer shtetin, ushtrinë dhe policinë shtetërore dhe se është përfshirë në propagandë të terrorizmit në Twitter, transmeton Express.

Arrestimet dhe përndjekjet e shkrimtarëve dhe gazetarëve i kanë shtuar shqetësimet rreth përkeqësimit të gjendjes të së drejtave dhe lirive të njeriut në Turqi.