Lajme

Vdes aktori amerikan Martin Landau

14:06 | 17 July 2017

Aktori fitues i çmimeve Oscar, Martin Landau, vdiq në moshën 89 vjeçare.

Lajmin për vdekjen e tij e kanë dhënë mbrëmë familja e tij, të cilët kanë treguar se ka vdekur pas një lufte të shkurtër nga një sëmundje, transmeton Koha.net.

 Landau ishte yll i Hollywoodit i cili fitoi çmimin e madh “Academy Award” në vitin 1994 në filmin Ed Wood.

Vetëm pak kohë më parë, aktori e kishte festuar edhe ditëlindjen e tij të fundit, ndërsa la pas vajzat e tij Susise Landau Finch, Juliet Landau dhe mbesa Aria Isabel Landau Finch 8 vjeçare, gjithashtu ish-gruan Barbara Bain me të cilën janë divorcuar në vitin 1993 pas më shumë se tre dekada martesë.

Karriera e Landau kishte filluar në vitin 1950 me paraqitjet e tij të hershme duke përfshirë edhe rolin e tij tek filmi i famshëm Alfred Hitchcock.

Landau njihet edhe si personazh tek filmi Pinokio i vitit 1996.