Rajoni dhe Bota

Vejusha e ushtarit të vdekur e ‘godet’ keq Trumpin

16:49 | 23 October 2017

E veja e një ushtari të vdekur amerikan thotë se Donald Trump nuk ka arritur të mbante mend emrin e bashkëshortit të saj kur ai e telefonoi për t’i ofruar ngushëllime, shkruan BBC.

Myeshia Johnson, e veja e rreshterit La David Johnson, i tha ABC News se “pengesa” e presidentit e kishte “lënduar më së shumti”, përcjellë GazetaBlic.

“Nëse burri im ishte këtu duke luftuar për vendin tonë dhe ai rrezikoi jetën e tij për vendin tonë, pse nuk mund ta mbani mend emrin e tij?” shtoi ajo.

Rreshteri La David Johnson u vra në Nigeri nga militantët islamikë këtë muaj, përcjellë GazetaBlic.

Në anën tjetër, Presidenti Trump e mbrojti veten në Twitter të hënën në mëngjes duke shkruar: “Kam pasur një bisedë shumë të respektueshme me të venë e rreshterit La David Johnson, dhe e përmenda emrin e tij që nga fillimi, pa hezitim!”